نجم الزمالك السابق يفتح النار على إمام عاشور.. «مفيش وقت للأغاني»
شن اللاعب أحمد دويدار، نجم نادي الزمالك الأسبق، هجوما ناريا على إمام عاشور، لاعب خط وسط النادي الأهلي، بسبب تراجع مستواه خلال الفترة الأخيرة، وإهداره ركلة جزاء في المباراة الماضية أمام الاتحاد السكندري ضمن منافسات دوري NILE، إضافة إلى غنائه الدائم مع جمهور القلعة الحمراء، حال الانتصار أو التتويج بالبطولات.
أحمد دويدار لإمام عاشور: أتمنى تكون زي عبد الله السعيد
وقال «دويدار» في تصريحات إذاعية عبر «أون سبورت إف إم»: «بقول لإمام عاشور مش جمهور الأهلي اللي يضحك عليه، أتمنى تكون زي عبد الله السعيد وتسد ودانك، أنت بتحاول تحسس الجمهور إنك ابن الأهلي، ومع أول ماتش وحش الجمهور هيقلب عليك، لأن مفيش حد عند جمهور الأهلي أهم من النادي».
أحمد دويدار لإمام عاشور: مفيش وقت للأغاني والحنية
وأكد اللاعب السابق: «فئة كبيرة من جمهور النادي الأهلي مبتحبش تصرفات إمام عاشور، واللاعب بيحاول يكسب عطف الجمهور بالتصرفات والحركات دي خارج الملعب، وبصراحة أنا كمان مبحبش تصرفات إمام وبعتبرها مستفزة».
وتابع مدافع الزمالك السابق: «أنت كل ماتش هتغني؟، الأهلي معندوش الكلام ده، الأهلي عايز يكسب الماتش الجاي واللي بعده، وميخسرش خالص، مفيش وقت للأغاني والحنية»، مؤكدا: «المفروض شخصيته مع الوقت تتطور وعقليته تختلف».
