شركة خليجية تقتحم سوق السيارات الكهربائية في مصر.. شوف تسهيلات وزارة النقل لها - غاية التعليمية

غاية التعليمية يكتُب.. يا ترى إيه اللي بيحصل في سوق السيارات الكهربائية، وليه الشركات الأجنبية وخاصة الخليجية بتتنافس عشان تخش السوق المصري، إيه هي الاستثمارات المتوقعة وإزاي هيخدموا على السوق المصري؟

طبعا السوق المصري، سوق جاذب جدا للاستثمارات بكل أشكالها وأنواعها، مش في قطاع النقل والسيارات بس ولكن في الصناعة والعقارات والاستثمارات في القطاع المصرفي وغيرها، لكن اللي بيحصل في الفترة الأخيرة بيعكس مدى جاذبيته وكمان بيسلط الضوء على المحفزات اللي قدمتها الحكومة المصرية للمستثمرين.

وكانت آخر الاستثمارات دي في قطاع النقل والمواصلات، وتحديدا في سوق السيارات الكهربائية، ومن هنا قدمت شركة جرين فالي لخدمات السيارات الكهربائية عرض قوي عشان تشتغل في مجال نقل الركاب.

وفي الساعات الأخيرة، وزير النقل، شهد توقيع عقد ترخيص شركة جرين فالي لخدمات السيارات الكهربائية  للعمل في مجال نقل الركاب باستخدام نظام تكنولوجيا المعلومات، وقام بالتوقيع المهندس ضياء الدين مصطفي الرئيس التنفيذي لجهاز تنظيم النقل البري الداخلي والدولي، وكمان رياض سالم على احمد ادريس رئيس مجلس إدارة شركة جرين فالي لخدمات السيارات الكهربائية (Green Valley) .

ونقدر نقول إن التوقيع ده بيجي في إطار خطة التحول إلى النقل الأخضر وتعزيز استخدام وسائل النقل الصديقة للبيئة، وكمان هيقدر يضمن  منح جهاز تنظيم النقل البري الداخلي والدولي، ترخيص لشركة جرين فالي لخدمات السيارات الكهربائية، عشان تقدم خدمات النقل البري للركاب باستخدام تكنولوجيا المعلومات.

ومقرر يتم تشغيل المرحلة الأولى من أسطول السيارات الكهربائية، واللي بسشمل 100 سيارة تعمل بالكهرباء مملوكة للشركة خلال الفترة الجاية، وده هيكون في نطاق محافظتي القاهرة والجيزة كجزء من خطة طموحة بتهدف للتوسع التدريجي لاستخدام المركبات الكهربائية في مختلف المحافظات.

ومن هنا، قال وزير النقل إن المشروع هيساهم في تقليل الانبعاثات الكربونية بنسبة ملحوظة من خلال وسائل نقل تعمل بالطاقة النظيفة بإستخدام تكنولوجيا المعلومات، كمان بيجسد تشجيع  الدولة المصرية للشراكة بين القطاعين العام والخاص في تنفيذ مشروعات التنمية وتحسين جودة الحياة في المدن الكبرى عبر وسائل تنقل آمنة.

وحاليا، مصر منفتحة على التعاون مع كل دول العالم فى مختلف القطاعات ومنها مجالي النقل والصناع، خاصة مع تنفيذ وزارة الصناعة لخطة شاملة للنهوض بالصناعة المصرية تنفيذًا لتوجيهات الرئيس عبد الفتاح السيسى رئيس الجمهورية بتحويل مصر إلى مركز صناعى إقليمى، عشان كده في أهمية كبيرة بتوليها الدولة المصرية لتوطين صناعة السيارات الكهربائية والشواحن الخاصة بيها، لأنها بتتشكل أحد أهم الفرص الاستثمارية الواعدة اللي ممكن للجانبين يتعاونوا من خلالها.

ودلوقتي، شركة جرين فالي، بتخطط التعاون المستقبلي قي مجال توطين صناعة السيارات الكهربائية والشواحن الخاصة بها، خاصة مع المناخ الاستثماري الواعد في مصر ومع المشروعات العملاقة اللي يتم تنفيذها في مجال البنية التحتية بها واللي بتدعو للفخر.

كمان، الشركة هتقدم تجربة تنقل ذكي حديثة وآمنة، من خلال اعتمادها على تطبيق خدمات النقل المتكامل JTNY، وبيشمل النظام الرقمي المتكامل، وهو تطبيق للركاب بيتيح طلب السيارة وتتبع الرحلة والدفع الإلكتروني بسلاسة وتطبيق للسائقين، عشان يضمن أعلى مستويات الانضباط والتواصل الفوري مع مراكز الدعم و واجهة إشراف ذكية تُمكن من مراقبة جودة الخدمة والأداء على مدار الساعة.